Transcription
1
Monseigneur, je vous escrivis dernièrement d’Avignon par commandement
2
de monseigneur le marechal comme il vous avoit escrit à la requeste de monsieur de
3
Suse que vous voulussiés doner le commandement des compagnies
4
de Daufiné à son fils, à ce que vous proveussiés et pensissiés ce
5
qu’il vous plairoit et seroit plus à propos. J’addressay la lettre à
6
monsieur d’Ourches par le moyen de monsieur du Teil qui luy envoyoyt
7
son laquais. Depuis, j’ay receu vos lettres des Xe et XIIIe de ce moys
8
par où je veoys que monseigneur le prince daufin vous veut ouster de
9
ceste peine. Mais nous craignons que cela apporte longueur à
10
la levée et que les compagnies n’en seront pas si belles, mesmes
11
s’il envoye des gens qui ne soyent du pays ou que n’y ayent crédit,
12
dont mondit seigneur le marechal est bien marry. Quant à monsieur de Montbrun,
13
il vous a aussi mandé les advertissements et lettres qui luy en ont esté mandées.
14
Cela a esté cause que, ayant trouvé en Avignon monsieur de Rochefort
15
son cousin, je m’advisay de luy faire une bonne recharge à ce que, pour
16
éviter toutes soupsons et calumnies, il ne se laisse approcher ces gens-là
17
ny chose qui viennent d’eux et que sy luy en tumbe aucun en
18
main, il les remecte en justice. Quant aux advis de Grane
19
et autres, mondit seigneur le mareschal, vous et moy eussions fait un papct.
20
Après plusieurs allées, venues, plainctes, bravades et déguysements,
21
monseigneur le mareschal a déclaré que monsieur le comte de Grignan mectra au
22
château un gentilhomme catholique, bon et asseuré serviteur du roy, avec semblable
23
nombre de souldas qu’il y a de présent pour la garde
24
dudit château, au despens des subjects du comté, le quel
25
gentilhomme sera nommé à monsieur de Carcès pour estre
26
par luy approuvé s’il le merite ; et vous promets que j’ay deshormais
27
honte d’en ennuyer si souvent ce bon seigneur. Dieu vueille que n’y faille
28
plus retourner. Au surplus, Monseigneur, j’ay depuis
29
receu une lettre de mon frère qui me chausse fort les esperons
30
par laquelle il me fait sentir le prejudice que ce luy sera et
31
incommodité à moy si, pour mon attente, son retour est retardé, dont il
32
cuyde diviner quelques occasions ; qui me mect en toute la peine du
33
monde, car je crains plus et auroys plus de regret de luy prejudicier
34
qu’à moy mesmes, de sorte que j’ay fait une recharge à monseigneur de
35
[v] Morvillier à ce que me soit au plus tost mandé ce que
36
j’ay à faire, et si en toutes sortes j’ay à y aller,
37
que me soit mandé plus tost que tard. Si je ne vous veoy
38
si tost, je vous escriray par le premier d’un discours de monsieur
39
de Suse et dispute que nous avons eue en bonne compagnie,
40
vous en estiés le subject, où monseigneur le maréchal se
41
monstra fort affectionné à vous. Quant au fait de monsieur
42
d’Ourche, j’en suis en toute la peine du monde
43
si esperè-je que nous en viendrons à bout et par mesme
44
moyen de l’assignation de messieurs le président de Portes,
45
de Bouqueron et Bouffin, et me promecttent que n’y
46
aura que l’attente ; je vous promects que si se fust
47
esté pour moy, j’eusse plus tost escrit dix
48
lettres à la court que de leur parler, prier et protester
49
si fort et si souvent, mais il faut supporter
50
ces supercheries pour les amys.
51
Monseigneur, je me recommande très humblement à votre
52
bone grâce et supplie Notre Seigneur qu’il vous done
53
en toute prospérité très longue et heureuse
54
vie. De Beaucaire, le XXIIe
55
jour de decembre.
56
Votre très humble et très obéissant
57
serviteur. Bellievre
58
Madame de Gordes et monsieur de
59
La Roche verront icy s’il leur plait
60
mes semblables recommandations
61
[318] Monseigneur le maréchal est en peine de recouvrer de bons canoniers, il vous plaira mander si vous en scavés en Daulphiné ou en Savoye, où il me semble qu’il y en a communemment davantage.